|
LEE Jungkee
(Homepage) |
2014-08-01 18:10:42, Hit : 2,114, Rec. : 675 |
- Download #1 : 10556414_10204147891915280_6530978003346724891_n.jpg (44.0 KB), Download : 3
- Download #2 : KakaoTalk_20140801_131957214.jpg (49.4 KB), Download : 3
아침부터 분주한 하루가 시작되었다. 9시에 UEA Seminario-Kmunumo 그리고 10시 15분에 'UEA 회원 증가를 위한 에스페란토 문화원의 역할'이라는 제목으로 나의 발표가 있었다. 나는 이 발표를 통하여, 전세계 주요 도시에 에스페란토 문화원 또는 강습소를 설립하여 상설로 에스페란토 교육을 실시할것을 공식적으로 제안하였다. 또한 이 자리에서 나는 최근 한국 청년회 회장이 펴낸 ' Vojaĝo de Onia' (오니아의 여행) 라는 제목의 책을 소개하였다. 성균관대 4학년에 재학중인 김온누리양이 쓴 이책은 3개월 동안의 에스페란토를 통한 유럽 여행 체험을 그림과 함께 기행문 형식의 매우 독특한 책이었다. 이번 대회에서 대회서점에서도 판매된 이 책은 많은 반향을 낳았다. 이책을 통하여 한국 청년들의 창의성과 도전정신을 세계에 알릴수있는 기회가 되어 매우 흐뭇하였다.
오후에는 세계 대회 역사 처음으로 문화원 분과가 열렸다. 담당 분야 UEA 담당 임원으로 이 모임의 사회를 보았다. 20여명의 전세계 문화원 관련자들의 UEA의 관심에 관심과 뜨거운 격려의 박수를 보내주었다. 저녁에는 이곳 아르메니아인들로 구성된 아마추어 축구팀과 에스페란토 팀의 축구 경기가 열렸다. 매우 의미있는 행사였으며, 축구를 통해 에스페란티스토들의 단결력을 과시한 매우 좋은 발상이고 좋은 기회였다.
===================================================================
La UK en Bonaero – interne matĉo futbala, ekstere krizo ekonomia
2014-08-01 Nombro de mesaĝoj (0)Bookmark and Share
Kongresa futbal-matĉo
Ĵus - ĉirkaŭ je la 9-a vespere, ĵaŭde, la 31-an de junio laŭ la argentina tempo - finiĝis la futbala matĉo inter la teamo de la armena komunumo en Argentino kaj tiu de Esperanto. "La plej nekutima programero de la 99-a Universala Kongreso", diris pria Gazetara Komuniko de UEA. La amika matĉo okazis en la stadiono Polideportivo Colegiales. La esperantista teamo konsistis el dudek personoj plejparte argentinaj, sed unuopuloj venis ankaŭ el Brazilo, Kolombio, la Demokratia Respubliko Kongo, Kubo, Nikaragvo kaj Rusio.
Esperantistaj futbalistoj (Fotoj de KITAGAWA Ikuko)
Verdaj futbal-apogantoj
Mark Fettes parolas ĉe la stadiono
Ĉe la fejsbuka konto de la 99-a UK aperis alvoko, kiu diris: "Venu hodiaŭ apogi nian teamon en la unua oficiala matĉo de la NF-Board kontraŭ la argentin-armena komunumo". La NF-Board estas internacia asocio de futbalaj teamoj de regionoj, minoritataj kaj senŝtataj popoloj, kiuj ne membras en FIFA.
La rezulto estis 8-3: la esperantista teamo malvenkis. La teamo de armen-devenaj argentinanoj ricevis la "Pokalon de la internacia amikeco" de la Sudamerika Konsilio pri Novaj Federacioj (CSANF), kiu reprezentas la alternativan futbal-federacion en tiu ĉi kontinento. Malgraŭ la esperantista malvenko, KITAGAWA Ikuko skribis al ni, ke "ĉiuj emociiĝis pro la internacia solidaro, kiu formis la esperantistan teamon".
Ekonomia krizo argentina
Antaŭ la alveno de tiu novaĵo, fakte ne estis multe da haveblaj novaĵoj pri la kongreso. Mi preskaŭ ekvolis konsoli min per jenaj vortoj: neniu novaĵo, jen bona novaĵo… Sed pri la gastiganta lando mem venis malbona novaĵo en la sama tago, la 31-an: Argentino falis en la staton de parta nepagipoveco je ŝuldoj pro publikaj biloj, por la dua fojo 13 jarojn post la unua, pro la fiasko de negocado inter la argentina registaro kaj ĝiaj ŝuldohavantoj en Novjorko. Inter Esperantaj amaskomunikiloj ĝis nun menciis tion nur HeKo.
Rigardo al la daŭripova estonteco? (Fotoj de Trezoro [Huang Yinbao])
Dum la solena inaŭguro
Cristina Fernandez de Kircher, la ŝtatprezidantino de Argentino, en sia parolado neis, ke la lando fariĝis teknike nepagipova, kvankam la perspektivo de la argentina ekonomio tute ne estas klara. Sed ne estas konate, kiom la kongresanaro en Bonaero atentis tiun ĉi novaĵon – malgraŭ la nuna reta epoko, oni povus supozis, esperantistoj restus nur fosantaj sian sulkon. Sed iuj eroj de la kongreso ja tuŝas temojn parencajn: ĉar la kongresa temo parolas pri "Streboj al daŭripova estonteco", iuj prelegantoj klare referencas ekzemple la daŭripovan ekonomion, kiel ni jam raportis aliloke.
Plia kalkulado kaj korektendo
Jen io multe pli simpla ol la financa krizo landa. Laŭ la ĵaŭda numero de la kongresa kuriero Bonaera voĉo la kongreso nun havas 694 aliĝintojn. Se daŭre obsediĝi pri kalkulado de ciferoj, inter tiuj 38 evidente surlokaj aliĝintoj 32 estas latinamerikanoj (19 el Brazilo, 9 el Argentino, 2 el Kolombio, po 1 el Nikaragvo, Uruguvajo, Kolombio). Multaj certe interesiĝas pri la nombro de la efektivaj partoprenantoj, aparte ĉi-jare pro multe da paroloj pri la malgrandeco de la kongreso, sed la kutimo estas, ke la totala nombro de la aliĝintoj fine iĝos oficiala kaj registriĝos kiel tia en la listo de la ĝisnunaj UK-oj.
Fine mi devas korekti ion kion mi skribis antaŭe: ŝajne la festparolado de Mark Fettes estis sufiĉe frue, jam la 27-an de julio, aŭskultebla ankaŭ ĉe la ipernity-konto de Kalle Kniivila, la redaktoro de Libera folio, al kiu estis metita ligo ĉe unu el ĝiaj prikongresaj raportoj: "Mark Fettes unuafoje inaŭguris Universalan Kongreson". Do, la Pola Retradio ne estis la sola, kiu frue disaŭdigis la Fettes-paroladon, dum restas fakto, ke la skribita teksto iĝis havebla nur iom poste.
Redaktoro: USUI Hiroyuki |
|
|
