|
LEE Jung-kee
(Homepage) |
2008-08-09 15:18:13, Hit : 7,045, Rec. : 199 |
Saluton,
kiel vi, ankau mi agadis en Srilanko, sed mi jam antau pluraj jaroj, en 1983-1984 dum 2 restadoj tie, havante entute preskau centon da lernantoj en la Publika Biblioteko de Kolombo, en la Universitatoj de Kolombo kaj de Kelaniya (kun s-ino Daya Wickramasinghe, prof. tie) kaj en la Laborministerio. S-ino Daya ech aperigis vortaron: "Esperanto Sinhala Dictionary", lastatempe, en 2007!
Certe ekzistas ankorau kelkaj el tiuj lernintoj de Eo, kiuj ech korespondadis (paperposhte) dum la postaj jaroj.
Nuntempe mi vidas ke reviglighas la movado en Srilanko kaj shajne la kontaktoj plifacilighas helpe de la reto.
Tamen, mi ne ricevas respondon al miaj mesaghoj de s-ro Zeiter Perera. Eble li ne havas oftan eblon aliri la reton. Do, estus bone, se mi povus havi lian telefonnumeron por pli rapida kaj rekta kontakto.
Krom diversaj agadaj temoj, mi dezirus informighi che li pri la situacio de juna esperantistino, f-ino Mapa Wickramasinghe el Diyatalawa, kiu petas helpon koncerne al la kuracado de sia patrino (shia patro, kiu estis esperantisto, pereis en la Cunamo). Shi lernis rete kaj el la libroj de sia patro, skribas en sufiche bona esperanto kaj la enhavo de shia mesagho estas kredebla lau mi. Mi intencas dissendi alvokon sed tamen shatus kontakti la lokajn esperantistojn. Lau Mapa, pluraj esperantistoj havas retadreson en Srilanko - chu iu el vi posedas kelkajn? Shi kunsendis ankau propramane faritajn bildkartojn kun esperantaj salutvortoj.
Mi esperas ricevi respondon al tiu chi mesagho, kaj sufiche rapide, por povi kontakti la koncernatojn kaj agi.
Eble Mirejo au Probal au iu alia elinter la adresitoj, nuntempe en la UK, povus renkonti Venkatesh au Yasuo kiuj povus rekte havigi pli da informoj pri Srilankaj kontaktebloj.
Korajn antaudankon kaj salutojn,
agrablan kongresadon,
amike, Stefano
------------------------
Stefano Keller
Sekretario de
http://www.svisa-esperanto-societo.ch/ |
|
|
