초급반/Baza kurso

 Login  Join

:: IMPRESOJ EN LA MEDITADA RENKONTIGXO (D-ro Markus Gabor)
LEE Jungkee  (Homepage) 2012-01-15 11:20:41, Hit : 786, Rec. : 79

IMPRESOJ EN LA MEDITADA RENKONTIGXO

La 7-a Internacia Renkontigxo de Meditado estis organizita en urbo
Iksan inter la 9-a kaj la 12-a de Januaro, kiun ankau mi partoprenis
el malproksima Europa lando, el Hungario. Fakte mi jam ricevis
inviton viziti Sudan Koreion antau longa tempo, tamen mi devis atendi
tridek jarojn por ke mi povu realigi la viziton. Okazis, ke en 1983 mi
studis en japana universitato Nanzan Daigaku por doktorigxi en
ekonomio kaj tiam mi ankau partoprenis sociosciencan konferencon en
Yokahama. Tie ni diskutis la situacion de la en Japanio vivantaj
koreoj, kiuj jam naskigxis en Japanio (same, kiel iliaj gepatroj),
tamen ili suferis pro diskriminacio. Estas konate, ke la gepatroj de
iliaj gepatroj per forto estis ordonitaj translokigxi al Japanio antau
la dua mondmilito. (Lau mia kono dum la lastaj jaroj la situacio jam
plibonigxis.)

En tiu konferenco okazis, ke cxe la tagmangxo s-ro Lee Jung Kee sidis
apud mi kaj li invitis min viziti Koreion, cxar tiam la Korea
registaro intencis malfermi la pordojn al la ekstera mondo. Do, mi
iris al la Hungara Ambasadejo por demandi cxu oni permesas al mi
viziti Koreion, au ne, sed la oficistoj redemandis min. Cxu vi ne
scias, ke ne estas diplomatiaj rilatoj inter Suda Koreio kaj Hungario?
Cxu vi volas kauzi internacian skandalon? Do, finfine mi ne ricevis
permeson, kaj tiam mi ne povis veni cxi tien.

Sed bonsance je la fino de la okdekaj jaroj estis politikaj sxangxoj
en Orienta Europo kaj post la politikaj sxangxoj Hungario estis la
unua lando en Orienta Europo kiu konstruis diplomatiajn rilatojn kun
la Korea Republiko. Post tiam mi jam havis laulegxan eblon veni cxi
tien, sed pro multega laboro mi ne povis tre ofte vojagxi privatcele.
Unue mi farigxis strategia managxero de la plej granda hungara
industria organizo, la Nacia Petrolkemia Korporacio, poste mi laboris
por la Parlamentejo kaj mia tasko estis kontroli kaj auditi la
Registaron kaj raporti al la Parlamentejo, cxu la Registaro agadas lau
legxo au ne.

Antau nelonge mi pensiuligxis kaj tiamaniere nuntempe mi jam havas pli
da libertempo vojagxi kaj partopreni ankau esperantistajn
renkontigxojn. Do, mi partoprenis la Universalan Kongreson en
Kopenhago, kaj tie mi informigxis pri la eblo de partopreno en la
meditada kunveno. Kun granda gxojo mi aligxis al la renkontigxo, cxar
mi rememoris ke mi jam antau tridek jaroj ricevis inviton el Suda
Koreio, la mirakla lando, kiu dum kelkaj jardekoj tre sukcese
evoluigis la ekonomion. Nun la rezulto de la diligenta laboro de pli
ol kvardek miliono la sudkoreoj estas bone konata en la tuta mondo, la
ekonomia evoluo estis tre rapida kaj la vivnivelo farigxis tre alta
dum kelkaj jardekoj post terura milito en la korea duoninsulo. La
koreaj industriaj produktajxoj estas bonkvalitaj kaj altnivelaj kaj
multaj koreaj automobiloj troveblas sur la europaj stratoj kaj ankau
mi mem korean televidilon rigardas vespere en mia hejmo.

Alveninte al Seul, mi miris la ekonomian ricxecon, la multnombrajn
novajn kaj bonkvalitajn automobilojn en la stratoj kaj la precize
funkciantajn publikajn transportilojn kiuj tute ne troveblas en
Orienta Europo. Kaj alveninte al la Centro de la Uonbulisma Eklezio en
urbo Iksan ni ankau pozitivajn impresojn ricevis jam je la komenco. La
kvara Cxefmajstro de la eklezio akceptis nin kaj antaue la pastroj
ofertis al ni fresxajn fruktojn kaj dolcxajxojn. Mi kun granda gxojo
spertis, ke la preparo de la renkontigxo estis tre preciza, cxiuj
partoprenatoj ricevis la tutan programon en bele presita libreto je la
komenco kaj
ankau la cxefaj elementoj de la uonbulisma doktrino troveblis tie en
facile komprenebla internacia lingvo.

Ankau la mangxajxoj estis bongustaj. Estis nur unu escepto, sed mi ne
scias la korean nomon de tiu mangxajxo. Sed mi bone rememoras, ke la
japana nomo de tiu mangxajxo estis natto, cxar tio estis preskau la
unua frazo kiun mi ellernis en japana lingvo, ke natto wa oishikunai
to omoimasu. Tio signifas, ke la natto ne placxas al mi.

Estis nekredebla evento por mi viziti la birdoobservejon cxe la
riverbusxo Gumgang. Tie ni vizitis ankau la lokon, kie oni faris la
filmon JSA - Joint Security Area. La temo de tiu filmo rilatas al la
divideteco de la korea duoninsulo post la milito kaj por mi, europano
estis malfacila auskulti sen larmoj en la okuloj la historion de
maljuna partoprenantino de la renkontigxo. Tie sxi diris al mi, ke siaj du
fratoj restis en Norda Koreio post la milito kaj dum pli ol kvindek
jaroj sxi ricevis nenian informon pri ili. Do sxi ne scias, kie ili
logxas, au cxu ili vivas ankorau, au ne.

Tiutipa fenomeno tute ne sperteblas en Europo. Kvankam ankau Germanio
estis dividite dum longa tempo, tamen ne okazis, ke la familianoj ne
povis skribi leterojn unu al la alia, ecx ili povis renkonti persone,
se ili volis. Fakte, la orientgermanoj ne ricevis eblon viziti
kapitalismajn landojn dum la komunisma epoko, sed ili ricevis
pasporton vojagxi al aliaj komunismaj landoj. La okcidentgermanoj
rajtis vojagxi cxien en la mondo, do estis kutimo dum multaj jaroj, ke
la okcidentgermanoj kaj la orientgermanoj venis al Hungario somere kaj
pasigis du semajnojn agrable kune kun siaj familianoj cxe la lago
Balaton, la plej granda lago de Hungario.

Dum la religia kaj kultura programo de la renkontigxo mi gxojis sperti
la amikecajn interrilatojn inter la partoprenantoj kaj estis granda
gxojo por mi vidi, kiel dece salutis unu la alian cxiuj homoj en la
religia centro, ecx se ili ne konis unu la alian persone. Mi
rememoras, ke antau multaj jardekoj, kiam mi estis infano, la samo
okazis ankau en mia lando, cxefe en la malgrandaj vilagxoj. Sed
bedaurinde nuntempe la interrilato inter la homoj malbonigxis en la
mondo. Ankau en Budapest, en mia cxefurbo jam oni konstruis grandegajn
konstruajxojn, en kiuj pli-malpli 200 logxejoj troveblas, kaj la
plejmulto de tiuj familioj, kiuj kune vivas en la sama domo, tute ne
konas unu la alian persone kaj kutime ne salutas unu la alian kiam ili
renkontigxas en la lifto au en la koridoro.

La plej bonajn kaj la plej esperdonajn spertojn mi ricevis en la
renkontigxo de la plej juna partoprenanto. Sxi estas 12 jara infano
kaj sxia nomo estas Kim Seyul, kun la Esperanto nomo Klara. Mi miris,
kiel flue kaj bone parolis sxi en Esperanto kaj tiu fenomeno donas al
mi la esperon, ke la Esperanto movado ankau en la estonto vigle
prosperos en Koreio. Okazis vespere, ke mi volis legi miajn
elektronikajn leterojn en la komputilo, sed nek mi, nek la aliaj
partoprenantoj sidante apud mi  povis solvi la problemon, kiel mi
devas sxangxi la koreajn kaj la anglajn literojn en la komputilo. Do,
mi petis sxin helpi, kaj sxi tre inteligente solvis cxiujn problemojn
dum tri minutoj
kaj montris al mi kiel mi povas uzi anglajn literojn en la komputilo.
Do, mi konkludis, ke same kiel en Europo, ankau cxi tie en Koreio tre
ofte la infanoj instruas la plenkreskulojn kiel oni povas uzi la plej
modernajn kaj komplikajn teknikilojn en nia alte evoluita moderna
mondo.



  : Rec.   : List

991   어린이를 위한 이야기-유튜브 5    LEE Jungkee 2012/02/09 73 669
990   어린이를 위한 이야기-유튜브 4    LEE Jungkee 2012/02/09 72 652
989   어린이를 위한 이야기-유튜브 3    LEE Jungkee 2012/02/09 77 680
988   어린이를 위한 이야기-유튜브 2    LEE Jungkee 2012/02/09 66 645
987   어린이를 위한 이야기-유튜브 1    LEE Jungkee 2012/02/09 72 656
986   Kabe의 번역작품 'Elektitaj fabeloj de Fratoj Grimm'    LEE Jungkee 2012/01/20 87 734
  IMPRESOJ EN LA MEDITADA RENKONTIGXO (D-ro Markus G...    LEE Jungkee 2012/01/15 79 786
984   뜨는 중국과 에스페란토    LEE Jungkee 2011/12/29 79 722
983   108배 [홍성조 역]    LEE Jungkee 2011/12/29 82 769
982   에스페란토 유투브 만화 감상하시길!    LEE Jungkee 2011/12/28 80 700
981   유투브 / 에스페란토 노래    LEE Jungkee 2011/12/26 67 643
980   Kial UK en Koreio en la jaro 2016?    LEE Jungkee 2011/12/18 80 699
979   일본 에스페란티스토의 하회마을 방문기    LEE Jungkee 2011/12/18 74 634
978   자멘호프 육성(?)을 들어보세요.    LEE Jungkee 2011/12/18 67 663
977   어린이를 위한 에스페란토 유튜브    LEE Jungkee 2011/12/16 74 682
976   자멘호프선생께서 직접 번역하신 '인어 공주' 입니다.    LEE Jungkee 2011/11/21 58 737
975   에스페란토판 '코란(Korano)'을 내려 받으세요.    LEE Jungkee 2011/11/18 73 616
974   에스페란토판 '성경(Sankta Biblio)'을 내려 받으세요.-2    LEE Jungkee 2011/11/18 72 632
973   에스페란토판 '성경(Sankta Biblio)'을 내려 받으세요.-1    LEE Jungkee 2011/11/18 70 704
972   Rezulto de voĉdonado pri la novaj Sep Mirinda...    LEE Jungkee 2011/11/12 70 989
971   Zamenhof Ludoviko Lazaro: Vivo.    LEE Jungkee 2011/10/19 70 705
970   E.SHA epoko en la Komuna Kongreso inter Koreio kaj...    LEE Jungkee 2011/10/16 69 710
969    Granda grupo de koreoj vojaghos al Tajvano en Dec...    LEE Jung-kee 2011/09/21 88 763
968   Spritema mia nepo    LEE Jung-kee 2011/09/14 85 775
967   회화를 잘 하려면, 이 다섯 가지 유형의 문장을 익히세요!    LEE Jungkee 2011/09/10 80 928
966   Radiko 이근택님의 기행문    LEE Jung-kee 2011/09/02 82 805
965   Esperanto-kurso kaj gxia instruo-metodo en Koreio    LEE Jung-kee 2011/08/18 85 873
964    En la 30-a de Julio/ Ferma Ceremonio    LEE Jung-kee 2011/07/31 82 1015
963   En la 29-a de Julio/ Internacia Vespero    LEE Jung-kee 2011/07/30 86 906
962   En la 28-a de Julio/ Azia Movado kaj aliaj    LEE Jung-kee 2011/07/29 85 860

    : List [1][2][3][4][5][6] 7 [8][9][10]..[40]   [다음 10개]
Name  Subject  Content  

Copyright 1999-2019 Zeroboard / skin by Webdimall

Warning: Unknown(): Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively. in Unknown on line 0