초급반/Baza kurso

 Login  Join

:: Mazara del Vallo volas iĝi ĉefurbo de Esperanto
LEE Jung-kee  (Homepage) 2010-12-09 13:04:48, Hit : 1,278, Rec. : 144

Mazara del Vallo volas iĝi ĉefurbo de Esperanto

La Universala Kongreso de Esperanto en la jaro 2012 okazos en la sicilia urbo Mazara del Vallo, kiu eventuale iĝos "sidejo de la internacia Esperanto-komunumo". Tian mirindan informon eblas legi en gazetara komuniko de la urbo. La vera stato de la aferoj estas iom alia, sed ne malpli impona. En Mazara del Vallo en 2012 okazos la itala kongreso de Esperanto, en lernejoj startos kursoj pri la lingvo, kaj la municipo senpage disponigos sidejon por fondota Esperanto-centro.


La gazetara komuniko (pdf), publikigita en la retejo de la municipo la 22-an de novembro, esprimas kontenton pri la fakto, ke la "internacia kaj itala Esperanto-federacioj" elektis la urbon Mazara del Vallo por tie okazigi la "79-an mondan kongreson de Esperanto en aŭgusto 2012". La informo estas des pli surpriza, ĉar jam en januaro 2010 la estraro de UEA decidis, ke la Universala Kongreso de Esperanto okazos en Vjetnamio. La teksto pri la nova loko de la Universala Kongreso aperis ankaŭ en iuj lokaj novaĵ-retejoj, ekzemple Mazaraonline.it.

La gazetara respondeculo de la municipo Mazara del Vallo en sia komuniko citas interalie reprezentanton de Itala Esperanto-Federacio, "Brunetto Cosmi", kiu laŭ li respondecas pri la organizado de la monda kongreso de Esperanto. Post iom da esplorado eblas konkludi, ke temas ne pri "Brunetto Cosmi" sed la konata itala esperantisto Brunetto Casini, kaj ne pri Universala Kongreso, sed pri la (efektive 79-a) Itala Kongreso de Esperanto, kiu ja okazos en Sicilio.

Libera Folio kontaktis Brunetto Casini, kiu rakontis pri la efektivaj planoj - iom malpli fantaziaj, ol ŝajnas laŭ la gazetara komuniko, sed tute imponaj.

- Unu el miaj nuntempaj taskoj en la movado estas organizi la ĉiujarajn italajn kongresojn de Esperanto. Prizorgante tiun taskon mi trovis taŭgan kongresejon por 2012 en Sicilujo, en la urbo Mazaradelvalo (Mazara del Vallo), malmultajn kilometrojn de la forte kreskanta flughaveno Trapani-Birgi. Pro tio mi devis kontakti la urban registaron kaj tuj mi trovis tie tre malfermitajn pordojn. Kiam mi atingis mem la urbestron, la tuja reago estis: "Jes, ni kunlaboros volonte al la sukceso de via kongreso, sed ni volas fari ion pli, ĉar ni tre konsentas kun viaj esperantaj idealoj, ekzemple igante nian urbon ia Centro de Esperanto por Italujo, aŭ eĉ por Mediteraneo."

Delegacio de Itala Esperanto-Federacio estis favore akceptita de la municipaj aŭtoritatoj, kiuj nun planas ekspozicion pri Esperanto, okazontan tuj post la baldaŭa jarŝanĝo, kaj poste kurson pri Esperanto en la superaj mezgradaj lernejoj de la urbo. Krome estas proponata subteno por fondota Esperanto-centro, rakontas Brunetto Casini.

-  La urbo disponigos sidejon por laborigi volontulojn cele al plidetaligo de la projekto kaj al eltrovo kiel ĝin progresigi. Dum la trimonata tiea festivalo pri multkultureco, jam planata por julio-septembro 2011, pluraj spektakloj estos en Esperanto.

Jam nun Itala Espranto-Federacio serĉas instruistojn por la planata kurso, kaj administran respondeculon por la tuta projekto.

- Volontulojn ni decidis serĉi per Grundtvig, ĉar li, ŝi aŭ ili devos komence ĉefe scipovi instrui la lingvon. Sed certe estas intenco plani pli ambician projekton, ĉar surloke estas baze la volo ĝin subteni. Kaj por tio, sugestoj kaj ideoj estas bonvenaj. La laboro tie estas ankoraŭ konstruenda, sed la grundo por tio estas firma.

En ĵus publkigita anonco Itala Esperanto-Federacio klarigas, ke kompletaj kandidatiĝproponoj por la postenoj de instruistoj kaj administra respondeculo devas esti ricevitaj antaŭ la fino de februaro 2011. Kaze ke la projekto estos akceptita de la EU-instancoj, subvenciata laboro povos komenciĝi en aŭgusto 2011, unu jaron antaŭ la planata kongreso.

- La peton al EU prizorgis la Esperantista entrepreno Kosmo, la sama kiu jam atingis EU-subvencion por seminario, okazonta kadre de la itala kongreso en Torino en aŭgusto 2011, klarigas Brunetto Casini.

Agoj pri dokumentoSendu tion Printu tiun

Ĉefurbo de Esperanto
Afiŝita de Martin Schäffer je 2010-12-06 21:56
Bonega afero! Tiu ekzemplo montras ke ofte la pordoj por ni estas pli malfermaj ol ni supozas. Ĉu baldaŭ ni vere havos du Esperanto-urbojn, Herzberg kaj Mazara del Vallo (ĉefurbo de Esperanto)? Mi esperas aŭdi ankoraŭ multajn konkretajn paŝojn kaj agadojn kaj estus tute bone se la du urboj konkurencus inter ili; eĉ estus pli bone se aliaj urboj baldaŭ aliĝas al la konkurso.
Cxu nova Esperanto-urbo?
Afiŝita de Stanislaw Rynduch je 2010-12-06 22:41
Cxio estas ebla, se loka klimo estas fekunda. Estas gxoje legi ion similan.
Nur ne difektu la paston kaj baku bonajn panojn!
Estus gxojinde instali duan E-urbon, kiuj ne konkurus, sed kunlaborus. Se la urba kaj regiona administracio komprenas kaj subtenas estas cxio ebla.

Similan bonan grundon ni trovis en distrikto Wagrowiec (Pollando), kie ni esperantistoj havas bonan komprenon kaj subtenon. Pasis apenaux duono da jaro de nia unua tie E-arangxo kaj nun estas kreita E-biblioteko, Centro de Esperanta Kulturo (du belaj cxambroj estis donace tute senpage al ni transdonitaj),komune estis tradukita interreta pagxo kaj nun estas legebla en Esperanto (www.wagrowiec.pl), ankoraux cxi-jare okazos La Verda Silvestro kun denove senpagaj tranokteblecoj kiel donaco de starosto.(anoncitaj estas gastoj de Afriko kaj Mongolio).

Ankaux ni silente revas pri Wagrowiec-Esperanto-urbo. Unue tamen ni devas krei fortan grupon de esperantistoj, kiu povus plenumi la taskojn.
Aviadile bone atingebla urbo
Afiŝita de Anton Oberndorfer je 2010-12-07 12:19
Mazarolavalo situas 40 km sude de la flughaveno Trapani-Birgi kiu estas alflugata de la diskonta fluglinio RyanAir. Iliaj flugbiletoj estas ege malmultekostaj se oni kunportas nur maksimume 10 kg da bagaĝo por la kabino en valizoj kun 55x40x20 cm maks. RyanAir kiel fluglinio por individua turismo estas ege taŭga por transporti gastojn por Esperanto-celoj. Eblas forflugi per tiu linio de multaj italaj urboj, el Germanio, Nederlando, Belgio, Francio, Hispanio, Irlando, Anglio, Skandinavio kaj fine el Bratislavo/Vieno kaj Krakovo!

Do estas antaŭvideble ke multaj parolantoj de nia lingvo povos flugi al Trapani por restadi en la urbo Mazarolavalo.
Itala ĉefurbo de Esperanto
Afiŝita de Edmond LUDWIG je 2010-12-08 16:50
... kaj mi opiniis, ke la italaj municipoj ĉiuj bankrotas !!! Sed se tiu projekto realiĝos, mi anticipe gratulas al la skipo, kiu tion iniciatis !
                                                      EL
Itala Esperanto-urbo
Afiŝita de Anton Oberndorfer je 2010-12-08 18:59
Nu, certe estas ankoraŭ tro malfrue por gratuli. Por sukcesigi la projekton multege da laboro estas farenda:

Unue necesas organizi transportan servon por la gastoj de la flughaveno Trapani al Mazarolavalo.
Due oni devas starigi esperantlingvan infrastrukturon en la urbo: Servistaro en la aliĝintaj hoteloj kaj restoracioj kiuj iom komprenas Esperanton, konferanseisto kiu perfekte parolas Esperanton kaj kapablas prezenti vesperan kulturan programon kun lokaj ĥoroj kaj folkloraj grupoj, kun internaciaj gastoj.

Necesos traduki la lokajn kaj regionajn kantojn al Esperanto, retraduki de Esperanto al diversaj lingvoj de la gastoj (kiuj ja ne nur estos esperantistoj sed homoj kiuj volas ĝui esperantan etoson). Do necesos pensi ne nur pri la relative malmultaj esperantistoj kiuj venos al la urbo, sed pri la espereble multaj homoj por kiuj Esperanto estos argumento por viziti la urbon kaj restadi tie.

Tiu projekto estas granda defio - kaj por la urbo kaj por la E-movado. Mi jam ofte pensis flugi al Trapani per RyanAir (ĉu de Memmingen/Munkeno, ĉu de Bratislavo/Vieno), ĉar la milda klimato de Sicilio dum vintro estas tre alloga, sed nun tiu projekto ege logas min veni al Sicilio por ne nur ĝui la landon sed ankaŭ por partopreni en starigo de internacia etoso.


  : Rec.   : List

931   자멘호프 전기-10    LEE Jungkee 2011/02/08 132 1371
930   자멘호프 전기-9    LEE Jungkee 2011/02/07 139 1381
929   자멘호프 전기-8    LEE Jungkee 2011/02/06 146 1343
928   자멘호프 전기-7    LEE Jungkee 2011/02/05 187 1384
927   자멘호프 전기-6    LEE Jungkee 2011/02/03 136 1330
926   자멘호프 전기-5    LEE Jungkee 2011/02/03 153 1292
925   자멘호프 전기-4    LEE Jungkee 2011/02/02 140 1306
924   자멘호프 전기-3    LEE Jungkee 2011/02/01 138 1339
923   자멘호프 전기-2    LEE Jungkee 2011/01/31 140 1341
922   자멘호프 전기-1    LEE Jungkee 2011/01/30 140 1527
921     이 책에 대하여    LEE Jungkee 2012/10/25 84 552
920   '좋은 생각' 을 읽다가,    LEE Jung-kee 2011/01/29 136 1135
919    Esperanto kaj mi (에스페란토와 나)    LEE Jung-kee 2011/01/23 150 1465
918   Esperanto, kiu estis cxio por mi en mia vivo    LEE Jung-kee 2011/01/23 195 1291
917   Robert Frost 의 시 감상    LEE Jung-kee 2010/12/25 137 1324
916    Eĉ birdoj pepis esperante en la Zamenhofa ta...    LEE Jung-kee 2010/12/17 146 1417
915   Du leteroj de L. L. Zamenhof    LEE Jung-kee 2010/12/11 144 1237
914   [시 감상]Se mi estus rozo / 내가 만약 장미라면    LEE Jung-kee 2010/12/10 152 1292
  Mazara del Vallo volas iĝi ĉefurbo de Es...    LEE Jung-kee 2010/12/09 144 1278
912   자멘호프박사 사진들    LEE Jung-kee 2010/12/07 136 1215
911   Letero al Kofman    LEE Jung-kee 2010/12/05 154 1197
910   Nova malnova letero de Ludoviko Zamenhof    LEE Jung-kee 2010/12/05 144 1223
909   Unu letero de Zamenhof    LEE Jung-kee 2010/12/05 166 1215
908   Al Sro de Beaufront    LEE Jung-kee 2010/12/05 149 1193
907   Enigmoj de Ludoviko Zamenhof    LEE Jung-kee 2010/12/05 152 1263
906   Du leteroj de L. L. Zamenhof    LEE Jung-kee 2010/12/05 155 1183
905   [단국대학교(죽전) 목3.4 도예과 32100391 조희선] Mi volas....    조희선 2010/11/27 142 1688
904   [원광대학교 수7,8] 한의예과 20092690 노지현    노지현 2010/11/26 180 1467
903   [단국대학교 천안 화 3,4] 법학과 52090490 윤보라    윤보라 2010/11/26 148 1430
902     [re] [단국대학교 천안 화 3,4] 법학과 52090490 윤보라    CHO Myoung-ja 2010/11/27 149 1426

    : List [1][2][3][4][5][6][7][8] 9 [10]..[40]   [다음 10개]
Name  Subject  Content  

Copyright 1999-2018 Zeroboard / skin by Webdimall

Warning: Unknown(): Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively. in Unknown on line 0